„ევრო 2020“ ის პირველი ტურის ბოლო დღეს, პირველ შეხვედრაში, პორტუგალიამ, უნგრეთი დაამარცხა 3-0.

მთელი მატჩის განმავლობაში, პორტუგალია ღირებულს ვერაფერს ჰქმნიდა და ისეთი პირი უჩანდა, რომ ესპანეთივით უღიმღამოდ დაიწყებდა ევროპის ჩემპიონატს, თუმცა ბოლო 10 წუთი სასწაული აღმოჩნდა.

ჯერ უნგრეთის გატანილი გოლი არ ჩაითვალა თამაშგარის გამო, შემდეგ კი ორიოდ წუთში,  84-ე წუთზე, რაფაელ გერეირომ გაუტანა უნგრეთს, რასაც 3 წუთში თერთმეტმეტრიანიც მოჰყვა უნგრეთის კარში. რონალდომ ტრადიციულად უბადლოდ დაარტყა პენალტი და ანგარიში 2-0 გახდა. მსაჯის მიერ კომპენსირებულ დროში, რონალდომ უკვე თამაშიდანაც გაიტანა, დუბლი შეასრულა და პორტუგალიამ მაინც დამაჯერებლად მოიგო, 3-0.

ამ დუბლით კრიშტიანო რონალდო ევროპის ჩემპიონატების ისტორიაში საუკეთესო ბომბარდირი გახდა 11 გოლით. აქამდე მას და ლეგენდარულ მიშელ პლატინის 9-9 გოლი ჰქონდათ.

რონალდომ კიდევ ერთი წარმოუდგენელი რეკორდი დაამყარა, კერძოდ კრიშტიანო ერთადერთი ფეხბურთელია, ვინც ზედიზედ 5 ევროპის ჩემპიონატზე ითამაშა და ხუთივეზე მოახერხა გოლის გატანა.

პირველი ტური კი მთლიანად ევროპის ჩემპიონატის ცენტრალური მატჩით სრულდება, სადაც საფრანგეთი, გერმანიას უპირისპირდება. შეხვედრის პირველი ტაიმი დასრულდა და საფრანგეთი ჰუმელსის ავტოგოლით, 1-0 იგებს.