სამუშაოს დაუბრუნდა ათასობით ადამიანი. ტურისტების მძლავრი ნაკადები შემოვიდა ქვეყანაში. გადაჭედილია სასტუმროები. ძალიან გვახარებს, რომ ეკონომიკა დუღს და მუშაობს. ამის შესახებ საქართველოს პრემიერ-მინისტრმა ირაკლი ღარიბაშვილმა ლაგოდეხის მუნიციპალიტეტის მერობის კანდიდატის წარდგენისას განაცხადა.
,,ჩვენ თებერვლიდან დავიწყეთ ეტაპობრივი გახსნა ეკონომიკის. იმიტომ, რომ ჩვენ ვიცოდით რომ ჩვენს მოსახლეობას ძალიან გაუჭირდა შარშან, საჭირო იყო ეკონომიკის ეტაპობრივი გახსნა და ჩვენს ბიზნესს და ჩვენს მოქალაქეებს გავუჩინეთ სტაბილურობის განცდა. სტაბილურობა არის უმნიშვნელოვანესი, იმისთვის, რომ განვითარდეს ეკონომიკა, რომ მოქალაქემ დაგეგმოს საკუთარი მომავალი. სტაბილურობის გარეშე არავითარი განვითარება არ იქნება.
ჩვენ გვაქვს უპრეცედენტო ზრდა მთელ მსოფლიოში, გვაქვს ორნიშნა ეკონომიკური ზრდა. შედეგად, ჩვენმა მოსახლეობამ ეს დეპრესიული, ნიჰილისტური დამოკიდებულება, ფონი შეცვალა და დაიწყო ახალი დოვლათის შექმნა. სამუშაოს დაუბრუნდა ათასობით ადამიანი. ტურისტების მძლავრი ნაკადები შემოვიდა ქვეყანაში. გადაჭედილია სასტუმროები. ძალიან გვახარებს, რომ ეკონომიკა დუღს და მუშაობს“ _ განაცხადა ირაკლი ღარიბაშვილმა.
