საქართველოს მესამე პრეზიდენტის, მიხეილ სააკაშვილის განცხადებით, მზად არის უახლოეს დღეებში სახალხო დამცველს შეხვდეს. აღნიშნული განცხადება მან კლინიკიდან სოციალურ ქსელში გაავრცელა.
,,მზად ვარ სახალხო დამცველს შევხვდე უახლოეს დღეებში. სასურველია შაბათ-კვირას.
მადლობა გამოთქმული სურვილისთვის“ _ წერს მიხეილ სააკაშვილი.
ლევან იოსელიანმა გუშინ განცხადება გააკეთა, რომ ის მზად არის საქართველოს მესამე პრეზიდენტთან შესახვედრად. მისივე თქმით, ის აპირებს შეხვდეს კონსილიუმს, რომელიც პერიოდულად მიხეილ სააკაშვილის ჯანმრთელობის მდგომარეობას აფასებს და ასევე ყოფილი პრეზიდენტის ოჯახის წევრებსა და ყველა დაინტერესებულ პირს.
