ევროპის ჩემპიონატზე, “D” ჯგუფის პირველ შეხვედრაში, ტურნირის ერთ-ერთმა მასპინძელმა, ინგლისის ნაკრებმა, ხორვატია დაამარცხა მინიმალური ანგარიშით, 1-0.

ეს ერთადერთი გოლი, ფილიპსის გადაცემით, მანჩესტერ სიტის შემტევმა, რაჰიმ სტერლინგმა გაიტანა 57-ე წუთზე.

ამ გამარჯვებით, ინგლისმა ისტორიული ნავსი გატეხა. საქმე იმაშია, რომ ევროპის ჩემპიონატის ისტორიაში, ინგლისს პირველი მატჩი არასდროს მოუგია და ეს უკვე 40 წელი გრძელდებოდა.

ცუდი ტრადიცია დასრულებულია, ამას გარდა ეს ინგლისის ნაკრები ნამდვილად არის ჩემპინობის ერთ-ერთი ფავორიტი, ყოველ შემთხვევაში მათმა მთავარმა მწვრთნელმა, გარეთ საუთგეიტმა, ევროპის ჩემპიონატის დაწყებამდე რამდენიმე დღით ადრე განაცხადა, რომ აუცილებლად გავხდებით ევროპის ჩემპიონებიო. ვნახოთ რამდენად შეასრულებს თავის ამბიციურ განაცხადს.