ჯანდაცვის მინისტრი მუნიციპალური ტრანსპორტის მოძრაობის შეზღუდვის გადაწყვეტილებას ამართლებს და ამბობს, რომ საკოორდინაციო საბჭოს მიერ მიღებული ეს გადაწყვეტილება დროული, საკმარისი და ძალიან სწორი იყო.
„ლოგიკა ნამდვილად არსებობს, ჩვენ გარკვეულწილად გვაქვს უკვე გამოცდილება არამხოლოდ საქართველოს მასშტაბით, არამედ საერთაშორისო პრაქტიკით გამომდინარე, თუ რა ეფექტის მომტანია სატრანსპორტო შეზღუდვები და ჩვენი მოლოდინიც არის, რომ სატრანსპორტო შეზღუდვები გამოიწვევს საკმაოდ დადებით დინამიკას ეპიდსიტუაციის გაუმჯობესებაში. მე უკვე განვაცხადე, რომ ორი კვირის შემდეგ, ჩვენი მოლოდინი არის დაახლოებით 80%-ით გაუმჯობესება ეპიდვითარების, აქედან გამომდინარე, ვთვლი, რომ ეს იყო დროული, საკმარისი და ძალიან სწორი გადაწყვეტილება, რომელიც საბჭომ მიიღო“ - განაცხადა ეკატერინე ტიკარაძემ.
მთავარი ფოტო: akhalitaoba.ge
