,,ნაციონალურმა მოძრაობამ“ გამოთქვა ინიციატივა, რომ საქართველოს მესამე პრეზიდენტის, მიხეილ სააკაშვილის საზღვარგარეთ სამკურნალოდ გადაყვანის შემთხვევაში, მზად არიან მას თავდებში ჩაუდგნენ. „სტრატეგია აღმაშენებლის“ ლიდერის, გიორგი ვაშაძის განცხადებით, ის ამ ინიციატივას უერთდება და აცხადებს, რომ მიხეილ სააკაშვილის ჰუმანიტარული მიზნით საქართველოდან გაყვანას მისი პარტია მხარს დაუჭერს.
„როგორც ვიცით, ყველა ექიმი ამბობს, რომ მძიმე ვითარებაა. პოლიტიკურად მოგვწონს, თუ არ მოგვწონს, ეს სუფთა ადამიანური და ჰუმანიტარული საკითხია, რომელსაც მხარს ვუჭერთ. თავდებობაზე გვექნება მსჯელობა ფრაქციაშიც და სხვა პარტნიორებთან. ჩვენ, ,,სტრატეგია აღმაშენებელმა" ვთქვით, რომ ყველა ნაბიჯს დავუჭერთ მხარს, რაც მიხეილ სააკაშვილის ჰუმანიტარული მიზნებისთვის საქართველოდან გადაყვანას შეუწყობს ხელს“ _ განაცხადა ვაშაძემ.
