,,სტრატეგია აღმაშენებლის“ ლიდერი გიორგი ვაშაძე მიიჩნევს, რომ ბიძინა ივანიშვილის წერილი მის ოლიგარქიულ მმართველობას ადასტურებს. მისივე თქმით, ივანიშვილს მიტაცებული აქვს ძალაუფლება და სანამ მას ხალხს არ დაუბრუნებენ, ქვეყანა წინ ვერ წავა.
,,ბიძინა ივანიშვილის წერილი დასტურია, რომ დღეს ნამდვილად არის ოლიგარქიული მმართველობა და დღეს, სწორედ ბიძინა ივანიშვილი განსაზღვრავს ყველაფერს. ეს წერილი დასტურია, რომ ის „ტრიო" არის მისი მეორე პროექტი, რომლითაც საქართველოს ბედს ეთამაშება. ეს წერილი დასტურია, რომ დასავლეთზე, ევროპაზე, ამერიკაზე, ამერიკის და ევროკავშირის ელჩზე შეტევის მთავარი ავტორი არის ბიძინა ივანიშვილი. ეს წერილი დასტურია, რომ ევროკავშირის კანდიდატის სტატუსი ჩვენ ვერ მივიღეთ სწორედ მის გამო. სანამ ბიძინა ივანიშვილს მიტაცებულ ძალაუფლებას არ წავართმევთ და ხალხს არ დავუბრუნებთ, ჩვენ წინ ვერ წავალთ“ _ განაცხადა გიორგი ვაშაძემ.
