,,სტრატეგია აღმაშენებლის“ ლიდერის, გიორგი ვაშაძის განცხადებით, ირაკლი ღარიბასვილის მიერ გამოქვეყნებული წერილი ორ რამეს შეიძლება მიშნავდეს, ერთი, რომ იგი ცდილობს დასავლეთის თვალში ივანიშვილს გაემიჯნოს, მეორე, ის ამ წერილით ივანიშვილს თანამდებობის გახანგრძლივებას სთხოვს.
ვაშაძის განცხადებით, ღარიბაშვილის წერილი პირდაპირი დასტურია იმისა, რომ საქართველოში ოლიგარქიული მმართველობაა.
,,ღარიბაშვილის განცხადება არის პირდაპირი დასტური იმისა, რომ საქართველოში არის ოლიგარქიული მმართველობა, სხვა ვერაფერი აიძულებდა პრემიერ-მინისტრს ეს წერილი დაეწერა. რას უნდა ნიშნავდეს ეს წერილი? ორი ალტერნატივაა: ერთი, ის ცდილობს დასავლეთის თვალში გაემიჯნოს ივანიშვილს, რომ სანქციები, რომელიც ივანიშვილთან მიმართებით იქნება, მას არ შეეხოს პერსონალურად. ან მეორე ვარიანტი, ივანიშვილს ეხვეწება, ცოტა ხანი კიდევ დამტოვე თანამდებობაზეო, რადგან შეიძლება ის მალე თანამდებობის გარეშე ვიხილოთ. სხვა ყველა დეტალი ამ წერილში უინტერესოა. ამ წერილში ივანიშვილის სახელის ხსენების რეკორდია მოხსნილი, მათ შორის თავად ღარიბაშვილის რეკორდიც“ _ განაცხადა გიორგი ვაშაძემ.
ირაკლი რარიბაშვილმა ვრცელი წერილი გამოაქვეყნა, სადაც ის ამბობს, რომ ,,კამპანიის ავტორებმა“ უნდა განმარტონ, თუ რას გულისხმობენ, როდესაც ოლიგარქსა და დეოლიგარქიზაციაზე საუბრობენ. იგი ,,ნაციონალურ მოძრაობას“ და მის შიდა თუ გარე პარტნიორებს ურჩევს, შეეგუონ არსებულ მოცემულობას - მშვიდობას, სტაბილურობას და ორნიშნა ეკონომიკურ ზრდას. ღარიბაშვილის თქმით, მათ უნდა გაიაზრონ, რომ მცდელობის მიუხედავად საქართველოს ომში ვერ ჩართავენ.
