ჩვენ უნდა დავიწყოთ საერთო პროევროპული მოძრაობა, რომელშიც ყველა პროდასავლურ ძალასთან ვითანამშრომლებთ. ამის შესახებ ,,სტრატეგია აღმაშენებლის“ ლიდერმა გიორგი ვაშაძემ განაცხადა. მისივე თქმით, ეს არ იქნება კოალიცია, რადგან ახლა არჩევნები არ არის.
,,ვმუშაობთ საერთო პროევროპულ მოძრაობაზე, რომელიც საქართველოს პრორუსული ,,ქართული ოცნებისგან“ დაიხსნის. ეს არ იქნება მხოლოდ პოლიტიკური მოძრაობა, ეს იქნება პოლიტიკურ-საზოგადოებრივი ფართომასშტაბიანი მოძრაობა, რომ ჩიხში მყოფი ქვეყანა გადარჩეს ხელისუფლებაში მყოფი პრორუსული ძალისგან. დღეს არჩევნები არ არის, ამიტომ ეს ვერ იქნება კოალიცია. დაელოდეთ, ყველაფერი დაგეგმილი გვაქვს, ჩვენი სტრატეგიაა ყოველდღიური ქმედებები და არა წინასწარი განცხადებები“ _ აცხადებს გიორგი ვაშაძე.
მისივე თქმით, ეს არ იქნება ერთ პარტიად გაერთიანება, არამედ ეს იქნება პროევროპული მოძრაობა, რომელიც საქართველოს პრორუსული ძალებისგან გაათავისუფლებს და მიტაცებულ სამშობლოს ხალხს დაუბრუნებს.
