მიხეილ სააკაშვილი არ არის დღეს იმ მდგომარეობაში, როცა პოლიტიკურ პირობებს უნდა აყენებდეს. ამის შესახებ პარლამენტის ვიცე-სპიკერმა არჩილ თალაკვაძემ განაცხადა.
მისი თქმით, სააკაშვილს ახლაობლები სჭირდება თუ არა პალატაში, ამას ექიმები გადაწყვეტენ.
,,სააკაშვილი თავის მეგობრებსა და მხარდამჭერებს შეცდომაში შეჰყავთ. დღეს ის არ არის იმ მდგომარეობაში, რომ პოლიტიკურ პირობებს აყენებდეს, ის არის დღეს მდგომარეობაში, როცა მას, როგორც პატიმარსა და მოქალაქეს აქვს უფლებები და ამ უფლებების დაცვაზე არის პასუხისმგებელი ხელისუფლება და ეს დაცული იქნება. ახლობლები და თანაპარტიელები სჭირდება პალატაში თუ დიაგნოსტიკის დროს, ამას ექიმები გადაწყვეტენ იმ კანონმდებლობის შესაბამისად, რომელიც მოქმედებს საქართველოში“ _ განაცხადა თალაკვაძემ.
