ევროკავშირის ქვეყნების წარმომადგენლებმა გამოხატეს შეშფოთება სააკაშვილის მდგომარეობაზე, რომელიც სინამდვილეში დაფუძნებულია ფეიკზე და მის ნაწილობრივ შიმშილობაზე. ამის შესახებ ფრაქცია ,,ქართული ოცნების“ თავმჯდომარემ, მამუკა მდინარაძემ განაცხადა.
მისივე თქმით, ყოფილი პრეზიდენტი თვითდაზიანებას ეწევა, რაზეც პენიტენციური სამსახური პასუხს არ აგებს.
,,საქართველოს კანონმდებლობაში არ არსებობს არანაირი მუხლი, ნორმა, რომელიც ითვალისწინებს საქართველოს პენიტენციურ სისტემაში არსებული მსჯავრდებულის უცხოეთში გადაყვანას, თუ ვინმე ამას ამბობს, ისიც გვასწავლოს, სად არის ეს მუხლი. ასეთი მუხლი არ არსებობს ქართულ კანონმდებლობაში. მთავარია, რომ ეს ყველაფერი ფეიკპიარის ტრენდის გაგრძელებაა, სააკაშვილი უბრალოდ იტყუება და თუ ვინმეს უნდა, მართლა მის ჯანმრთელობაზე იზრუნოს, უნდა იცოდეს, რომ ორმაგი კალორია მიიღოს, ნუ დადის რისკზე, ნუ იყენებს თვითდაზიანებას.
ამ ქვეყანაში გვყავს ერთი პატიმარი, რომელიც თვითდაზიანებას ეწევა, რაზეც არავინ პასუხისმგებლობას არ იღებს თანამედროვე, ცივილიზებულ სამყაროში. თუ გააგრძელებს თვითდაზიანებას, პასუხისმგებლობა იქნება მასზე. პენიტენციური სამსახური აგებს პასუხს ნებისმიერ პატიმარზე, თუ ის არ ეწევა თვითდაზიანებას“ _ განაცხადა მდინარაძემ.
