მათ მიიღეს ნაჩქარევი არასწორი გადაწყვეტილება, თავის დროზე ჩვენ ვარწმუნებდით, რომ სიები არ გაეუქმებინათ და ვარწმუნებდით, რომ ეს იყო გზის მოჭრა უკან, დღეს კი სწორედ უკან სურთ დაბრუნება. ამის შესახებ საქართველოს პარლამენტის ვიცე-სპიკერმა, არჩილ თალაკვაძემ განაცხადა. მისი თქმით, მმართველი პარტია ,,ნაციონალური მოძრაობის“ შეცდომების გამოსასწორებლად კანონების შეცვლას არ აპირებს.
,,თავის დროზე, ჩვენ ვარწმუნებდით, რომ სიები არ გაეუქმებინათ, რომ ეს იყო გზის მოჭრა უკან, დღეს კი მათ სწორედ უკან სურთ დაბრუნება და საკუთარი გადაწყვეტილების გამო ამას ვერ აკეთებენ. ამიტომ, როდესაც მათ პრეტენზია აქვთ ძირითადი ოპოზიციური პარტიის სტატუსზე, დროა, რომ პასუხისმგებლიანად მოეკიდონ საკუთარ გადაწყვეტილებებს. როდესაც რაღაც გააკეთეს, რამდენიმე თვის წინ, მით უმეტეს, როცა ყველა არწმუნებდა, რომ ეს არ გაეკეთებინათ, დღეს საპირისპირო ბრიფინგებით თავის შეცოდებას არ უნდა ცდილობდნენ საზოგადოებისთვის. არ ვაპირებთ ამის განხილვას, ეს იყო მათი პოლიტიკური გადაწყვეტილება და მათი შეცდომის გამოსწორებას კანონების შეცვლის გზით არ ვაპირებთ“ _ განაცხადა არჩილ თალაკვაძემ.
