გამიხარდებოდა, რომ მისმენდნენ - ტელეფონში სულ ვჩხუბობ, იქნებ სქურის გზა დროულად გაკეთდეს, მეტი ყურადღება მივაქციოთ ადგილობრივ პრობლემებს - არ მაქვს განცდა და შიშები, რომ საქმე რაღაც პირადი ცხოვრების ამსახველ მასალებს ეხება - ამის შესახებ ქართული ოცნების დეპუტატმა, ირაკლი ზარქუამ განაცხადა.
"ახალი ამაში არაფერია. მიმდინარეობს გამოძიება, რომლის ფარგლებში დაზუსტდება, სად იყო გადაცდომა, იყო თუ არა საერთოდ, რა იყო ინტერპრეტაცია, რა - სიმართლე და რა - სიყალბე. არის პრობლემა, არის გამოწვევა, მტყუან-მართალი ერთმანეთშია არეული. დაველოდოთ გამოძიებას და ნათელი გახდება, სად არის გადაცდომა, სად - სიმართლე, სად - სიცრუე და სად არის ადამიანის უფლებების დარღვევა. იქნებ საბოტაჟთან გვაქვს საქმე და არარსებულზე ვსაუბრობთ?" - ამბობს ის.
ფოტო: facebook
