იმის მიუხედავად, რომ მათ დატოვეს უმრავლესობა, ეს არ ნიშნავს, რომ მათ შეცვალეს ვექტორი. ამის შესახებ ,,ქართული ოცნების“ წევრმა ირაკლი ზარქუამ პარტიიდან წასული დეპუტატების შესახებ განაცხადა.
მისივე თქმით, სამივე მათგანი ქვეყნის ინტერესების დამცველი და ევროინტეგრაციის მხარდამჭერია.
,,სამივე მათგანი არის ჩვენი ქვეყნის ინტერესების დამცველი, პატრიოტი და ევროინტეგრაციის მხარდამჭერი. იმის მიუხედავად, რომ მათ დატოვეს უმრავლესობა, ეს არ ნიშნავს, რომ მათ შეცვალეს ვექტორი. უმრავლესობა ვცდილობდით, რომ მათ ეს გადაეფიქრებინათ, თუმცა მათ თქვეს, რომ როდესაც მმართველი პარტიის კონიუქტიურით შებოჭილი არ ვიქნებით, განცხადებებში მეტად თამამები ვიქნებითო. პირადად ვარ მმართველ პარტიაში, მაგრამ ეს არ მბოჭავს, როცა რაიმე მაქვს სათქმელი, გამოვდივარ და ვამბობ ხოლმე. ჩემი ქვეყანა მიყვარს, ბოლომდე დავიცავ და ის, ვინც ფასიანი ლობისტია ან „ნაციონალური მოძრაობის“ სტრატეგიული პარტნიორი და ჩემი ქვეყნის ინტერესებს ამ გადასახედიდან უყურებს, ამას მე არ დავუთმობ“ _ განაცხადა ირაკლი ზარქუამ.
