პარტია "ლელო-საქართველოსთვის" წევრი, ანა ნაცვლიშვილი აცხადებს, რომ სასამართლოში კლანური მართველობაა, რომელიც მას არაკანონიერი და კლანური წესებით მართავს. მისი თქმით, ამაზე აშშ-ის სახელმწიფო დეპარტამენტის ანგარიშშიც არის საუბარი.
მისივე თქმით, საერთაშორისო ნეიტრალური არბიტრები იმასაც აღნიშნავენ, რომ სასამართლოს ნაწილთან დაკავშირებით აღებული არცერთი ვალდებულება შესრულებული არ არის.
"სასამართლოს შესახებ ყველა აკეთებს კომენტარს, მათ შორის პრეზიდენტ მიშელმა გააკეთა ამასთან დაკავშირებით ძალიან ცხადი და არაორაზროვანი განცხადება, რომ "ქართული ოცნების" მიერ გადადგმული ნაბიჯები არის შეთანხმების დარღვევა სასამართლოს ნაწილში. უზარმაზარი ხარვეზები არსებობს სასამართლოში. კლანი არსებობს, რომელიც მართავს ამ სასამართლოს კლანური და არაკანონიერი წესით. სწორედ ეს არის აღნიშნული აშშ-ის სახელმწიფო დეპარტამენტის ანგარიშში" - აცხადებს ნაცვლიშვილი.
ფოტო: facebook
