ცენტრალური საარჩევნო კომისიის თავმჯდომარემ განაცხადა, რომ თანამდებობიდან წასვლას არ აპირებს. თამარ ჟვანიას თქმით, მისი გადადგომისთვის არანაირი არგუმენტი არ არსებობს.

„არც ერთი პოლიტიკური პარტიის გადასაწყვეტი არაა, დამოუკიდებელი საარჩევნო ორგანოს წევრი თუ ხელმძღვანელი გადადგება თუ არა. ამას უნდა ჰქონდეს დასაბუთება და იმ პირობებში, როდესაც დასაბუთება არაა წარმოდგენილი, როდესაც საერთაშორისო ორგანიზაციებმა არჩევნები ლეგიტიმურად შეაფასეს, ვთვლი, რომ ნებისმიერი შემდეგი ადმინისტრატორისთვის, რომელიც შეიძლება იყოს ცესკოს ან საარჩევნო ოლქის ხელმძღვანელი, იქნებოდა ძალიან ცუდი მესიჯი, რომ ვინმე პოლიტიკური მოთხოვნისა და სურვილის გამო წავიდეს. ადამიანები თანამდებობებს შეიძლება ტოვებდნენ მხოლოდ საფუძვლისა და მტკიცებულების შედეგად და არა პოლიტიკური სურვილების გამო“ - განაცხადა თამარ ჟვანიამ.

მთავარი ფოტო: droa.ge