ეკონომიკისა და მდგრადი განვითარების მინისტრი, ნათია თურნავა, განმარტავს, რა შემთხვევაში იმსჯელებს მთავრობა კომენდანტის საათის გაუქმებაზე. მისი განცხადებით, სახმელეთო საზღვრის გახსნიდან 2 კვირის შემდეგ გამოჩნდება, რა შედეგი მოიტანა ამ მიმართულებით შეზღუდვების შემსუბუქებამ და სავარაუდოდ, მთავრობა კომენდანტის საათის შესაძლო გაუქმების საკითხზე სწორედ ამის შემდეგ იმსჯელებს.

„ალბათ დადგება დრო, როცა ღამით გადაადგილების შეზღუდვის გაუქმებაზე ვიმსჯელებთ, ნელ-ნელა აქეთ მივდივართ, თუმცა, ჯერ ახალი გახსნილია სახმელეთო საზღვრები და 1, 2, 3 კვირა ყოველთვის სჭირდება, რომ დინამიკას დავაკვირდეთ. ლოგიკურია, რომ ამაზე გავაგრძელოთ მსჯელობა.

არ მინდა დაპირება მოგცეთ, რადგან ეს არის კოლეგიალური გადაწყვეტილება. ერთი, რომ რეგიონული მიდგომა არ გამოგვადგება, ხოლო 2 კვირის თავზე გამოჩნდება სახმელეთო საზღვრების გახსნამ რამე ხომ არ გააუარესა, ხოლო ამის შემდეგ გვექნება საშუალება, რომ ვიფიქროთ ამის გაუქმებაზე საერთოდ“ - აცხადებს ნათია თურნავა.

მთავარი ფოტო: reginfo.ge