დღეიდან, 30 ივნისიდან ქვეყანაში კომენდანტის საათი მოიხსნა. აღნიშნული შეზღუდვა ეპიდემიის გავრცელების ხელის შეშლის მიზნით დაახლოებით 8 თვის წინ დაწესდა და ამ დრომდე მოქმედებდა.

კომენდანტის საათის დარღვევისთვის დაწესებული იყო ჯარიმა 2000 ლარის ოდენობით. თუმცა, პრემიერის გადაწყვეტილებით, ყველა ის მოქალაქე, რომელსაც შეზღუდვების დარღვევისთვის ჯარიმა დაეკისრა, აღნიშნული ჯარიმისგან გათავისუფლდა. ჯარიმების ამნისტია დაახლოებით 245 ათას მოქალაქესა და 344 იურიდიულ პირს შეეხო.

შეზღუდვა, რომლის მიხედვითაც რესტორნებსა და საკვებ დაწესებულებებს მხოლოდ 00:00 საათამდე შეუძლიათ მუშაობა, კვლავ ძალაში რჩება.