დაავადებათა კონტროლის ეროვნული ცენტრის ხელმძღვანელი, ამირან გამყრელიძე კორონავირუსის გავრცელების თავიდან აცილების მიზნით დაწესებულ შეზღუდვაზე, "კომენდანტის საათზე" საუბრობს.
მისი თქმით, ქვეყანაში არსებული ამჟამინდელი ეპიდვითარება არ წარმოადგენს საკმარის საფუძველს ამ შეზღუდვის გასაუქმებლად, თუმცა, გამყრელიძის თქმით, საკითხზე მსჯელობა საკოორდინაციო საბჭოში მიმდინარეობს.
"ყოველდღიური ინფიცირების მაჩვენებელი მიუხედავად იმისა, რომ მცირდება 17 მაისის შემდეგ, მაინც რამდენიმე ასეულის ფარგლებშია და ამიტომ ჯერჯერობით, ამ საკითხზე დაავადებათა კონტროლის ცენტრი ვერ მისცემს რეკომენდაციას, თუმცა გიდასტურებთ, რომ საკოორდინაციო საბჭოზე ამაზე მსჯელობა მიდის" - აცხადებს გამყრელიძე.
ფოტო: 1TV
