დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, ვაქცინაციაზე მოსახლეობის რეგისტრაცია შედარებით იმატებს. ამის შესახებ მან ,,ინტერპრესნიუსთან საუბრისას განაცხადა. როგორც გამყრელიძე აღნიშნავს, განსაკუთრებით 50 წელს ზემოთ მოქალაქეები აქტიურობენ.

,,თუ დღეში საშუალოდ 300-400 აცრა იყო, ახლა 600-მდე გვქონდა. განსაკუთრებით მესამე დოზასა და მეორე „ბუსტერზე“ იმატებს რეგისტრაცია, განსაკუთრებით 50 წელს ზემოთ მოსახლეობა აქტიურობს, უფრო მიდიან. დღეში 600 აცრა ზღვაში წვეთია, ჩვენ გაცილებით მეტი გვჭირდება. საჭიროა მოწოდება იმუნიზაციაზე. ვინც არ არის აცრილი, განსაკუთრებით 50 წელს ზემოთ მოსახლეობამ გაიკეთოს პირველი და მეორე დოზა, შემდეგ ,,ბუსტერი". ხაზს ვუსვამ, „ბუსტერიზაცია“ სერიოზულად იცავს“ _ განაცხადა გამყრელიძემ.