საბჭოს ეს გადაწყვეტილება არ მიუღია. სკოლებთან მიმართებაში მუშაობს ისევ ჰიბრიდული რეჟიმი. ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ უწყებათაშორისი საკოორდინაციო საბჭოს სხდომის დასრულების შემდეგ განაცხადა. იგი ამით გამოეხმაურა გავრცელებულ ინფორმაციას, რომ თითქოს სკოლები ორი კვირით დისტანციურ სწავლებაზე გადადიან.
,,არასწორი ინფორმაციაა, საბჭოს ეს გადაწყვეტილება არ მიუღია. სკოლებთან მიმართებაში მუშაობს ისევ ჰიბრიდული რეჟიმი. ანი გადაწყვეტილებას ერთობლივად იღებენ სკოლის ხელმძღვანელობა და განათლების სამინისტროს და ჯანდაცვის შესაბამისი უწყებები, თუ რა პირობებში, რომელი კლასი ან სკოლა გადადის დისტანციურზე. ასე რომ, საკოორდინაციო საბჭოს მიეღოს მთლიანად, ქვეყნის მასშტაბით დისტანციურ სწავლებაზე გადასვლა, ეგ არ არის სწორი“ _ განაცხადა ამირან გამყრელიძემ.
