დაავადებათა კონტროლის ეროვნული ცენტრის დირექტორი ამირან გამყრელიძე თანამდებობის დატოვების შესახებ გავრცელებული ინფორმაციის შემდეგ პირველ კომენტარს აკეთებს და აღნიშნულ ფაქტს ადასტურებს.
,,გიდასტურებთ, რომ ნამდვილად მივდივარ, დღეს იქნება შეხვედრა სამინისტროში, გავივლით იმ საკითხებს, რაც ეხება ყველაფრის ხავერდოვნად გადაბარებას, მოგეხსენებათ ჩვენი ცენტრი ერთ-ერთი წამყვანი დაწესებულებაა, ძალიან ბევრი საქმე კეთდება და ეს საქმე რომ არ იყოს მიშვებული, დავსახავთ გეგმას გარდამავალი პერიოდის და ამის შემდეგ მე ვტოვებ პოსტს“ _ განაცხადა ამირან გამყრელიძემ.
