5-დან 12 წლამდე ასაკის ბავშვებისთვის განკუთვნილი 50 ათასამდე დოზა ,,ფაიზერი“ საქართველოში მეორე კვარტალში შემოვა. ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ განაცხადა. მისივე თქმით, პირველ ეტაპზე რისკჯგუფებში მყოფი ბავშვებისვაქცინაცია მოხდება.

,,5-დან 12 წლამდე ასაკის ბავშვების ვაქცინაციაზე წინასწარი მსჯელობები იმუნიზაციის საბჭოზე იყო. „ფაიზერისთვის“ დაკვეთილი გვაქვს ვაქცინა, დაახლოებით 50 ათასი დოზის ფარგლებში. პირველ ეტაპზე, ვფიქრობთ, ეს იყოს იმუნოკომპრომენტირებული და თანმხლები დაავადებების მქონე ბავშვებისთვის. ვაქცინის პირველი პარტია მეორე კვარტალში უნდა შემოვიდეს და იმის შემდეგ, ალბათ სურვილის მიხედვით, დაიწყება ვაქცინაცია“ _ განაცხადა ამირან გამყრელიძემ.