,,დროას“ ლიდერის ელენე ხოშტარიას განცხადებით, მისმა ოჯახმა რუსეთიდან გადმორიცხულ სამემკვიდრეო თანხებთან დაკავშირებით ინფორმაცია არასამთავრობო ორგანიზაციებს მიაწოდა.

,,ეს არის ჩემი ოჯახის, ჩემი მშობლების სამემკვიდრეო შემოსავალი, ეს არის 25 წლის განმავლობაში მამაჩემის სამემკვიდრეო შემოსავალი, რომლითაც ყიდულობენ ხან მიწას, ხან მანქანას, ხან წამალს, ხან საჭმელს. ყოველ ჯერზე თქვენ გაქვთ უფლება, რომ სდიოთ მათ და იქნებ გაარკვიოთ, კონკრეტულად რა იყიდეს, პრობლემა არ არის, მე ვიცი რა ტიპის სახელმწიფოში ვცხოვრობ და რა ტიპის სისტემას ვეტაკები. ასევე მე მივმართე არასამთავრობო ორგანიზაციებს, რადგანაც მიმაჩნია, რომ საზოგადოებრივი ინტერესის მიმართ მე მაქვს ვალდებულება, რომ ავხსნა ეს ყველაფერი, სიტყვიერად ავხსენი, ჩემს ოჯახს ვთხოვე, რომ ყველანაირი ინფორმაცია, რაც არის მათი ანგარიშები, სამემკვიდრეო დოკუმენტაცია მიაწოდონ არასამთავრობო ორგანიზაციებს. ყველაფერი არის საჯარო და ეს არ უკავშირდება პოლიტიკას“ _ განაცხადა ელენე ხოშტარიამ ბრიფინგზე.