საუდის არაბეთი მზად არის გაზარდოს ნავთობის მოპოვება, თუ სანქციების გამო რუსები წარმოებას შეზღუდავენ. ამის შესახებ ინფორმაცია უცხოურ პრესაში ვრცელდება.
ნავთობის მარაგების აშკარა დეფიციტთან დაკავშირებით წუხილი მას შემდეგ გაძლიერდა, რაც ევროკავშირმა მოსკოვის წინააღმდეგ სანქციების მორიგი რაუნდი დააწესა, მათ შორის ნავთობის ემბარგო.
მანამდე საუდის არაბეთმა არაერთხელ თქვა უარი დასავლეთის ქვეყნების მოთხოვნაზე, რომ გაეზარდა ნავთობის მოპოვება. როგორც ქვეყნის ოფიციალური პირები აღნიშნავდნენ, რეალური დეფიციტი ჯერ არ არის. თუმცა, როგორც აღმოჩნდა, ბოლო დროს საუდის არაბეთმა ტონი შეიცვალა და ნავთობის მოპოვების გაზრდას დათანხმდა.
