17 მაისიდან საქართველოსა და საუდის არაბეთს შორის კვირაში 21 რეისი შესრულდება. ინფორმაციას ტურიზმის ეროვნული სააგენტოს ყოფილი ხელმძღვანელი, მარიამ ქვრივიშვილი, ავრცელებს.

„დიდებული ამბავი!

17 მაისიდან, კვირაში 21 რეისი - რიადი, ჯედადა და დამამიდან თბილისისა და ბათუმის მიმართულებით პირდაპირ რეისებს საუდის არაბეთის ეროვნული ავიაკომპანია flynas طيران ناس შეასრულებს.

კოვიდ-19 დროს კვირაში 21 რეისის ოპერირება საქართველოს ტურიზმის უდიდესი პოტენციალის, ნდობისა და ჩვენი ქვეყნისადმი დიდი სიყვარულის გამოხატულებაა ავიაკომპანიის მხრიდან, რადგან ასეთი მოცულობის ფრენები ამავდროულად უდიდესი ფინანსური რისკია ავიაკომპანიისთვის.

ჩვენი ქვეყნისთვის, კი ეს უდიდესი შესაძლებლობაა გავაძლიეროთ ტურიზმის სექტორი და კვირაში 3,500-ზე მეტ მხარჯველუნარიან ტურისტს ვუმასპინძლოთ საუდის არაბეთიდან!“ - წერს მარიამ ქვრივიშვილი.

მთავარი ფოტო: tailoredspain.com