ევროკავშირის ლიდერები აცხადებენ, რომ რუსული ნავთობის იმპორტზე აკრძალვას 2022 წლის ბოლომდე დააწესებენ. პოლონეთმა და გერმანიამ ასევე პირობა დადეს, რომ შეწყვეტენ მილსადენების იმპორტს, რაც ნიშნავს, რომ მთლიანი რუსული ნავთობის 90% დაიბლოკება. ეს არის ბრიუსელის სამიტზე დამტკიცებული სანქციების მეექვსე პაკეტის ნაწილი, რომელზეც 27 წევრი ქვეყანა უნდა შეთანხმებულიყო.

ამჟამად ევროკავშირს იმპორტირებული ნავთობის 27%-ს და გაზის 40%-ს რუსეთი აწვდის, რაშიც ევროკავშირი რუსეთს წელიწადში დაახლოებით 400 მილიარდ ევროს (430 მილიარდი დოლარი) უხდის.

ჯერჯერობით, ევროკავშირში რუსული გაზის ექსპორტზე სანქციები არ დაწესებულა, თუმცა რუსეთიდან გერმანიაში ახალი გაზსადენის გახსნის გეგმები გაყინულია.

დიდმა ბრიტანეთმა, რომელიც ნავთობის 8%-ს რუსეთიდან იღებს, პირობა დადო, რომ წლის ბოლომდე ეტაპობრივად უარს იტყვის რუსულ ნავთობზე.

მას შემდეგ, რაც ცნობილი გახდა, რომ ევროკავშირი რუსულ გაზზე ემბარგოს დააწესებს, ნავთობის ფასი გაიზარდა. Brent-ის ნავთობის ფასმა ბარელზე $123-ით მოიმატა, რაც მარტის შემდეგ ყველაზე მაღალი მაჩვენებელია.