ილონ მასკის მიერ Twitter-ის შეძენა არაფერს შეცვლის, სოციალური ქსელი დემოკრატიული და სამართლიანი არ გახდება. ეს მოსაზრება რუსეთის ფედერაციის უშიშროების საბჭოს თავმჯდომარის მოადგილემ დიმიტრი მედვედევმა ტელეგრამის საკუთარ არხზე გამოთქვა.

,,ქსელების ხელახალი შესყიდვა გიგანტური ფულით, როდესაც ერთი მფლობელი მეორეთი იცვლება, არაფერს შეცვლის, რადგან ახლა მხოლოდ მფლობელები არ განსაზღვრავენ მათი ცხოვრების წესებს" _ აცხადებს მდევედევი.

პოლიტიკოსის თქმით, ვერც ერთი ქსელი იგნორირებას ვერ გაუკეთებს იმ სახელმწიფოში არსებულ განწყობას, სადაც მისი რეგისტრაციის ადგილია. ასე რომ, მისი თქმით, „ტვიტერთან დაკავშირებით სასწაულებრივი ტრანსფორმაცია არ ხდება“.

,,ის არ გახდება დემოკრატიული, მით უმეტეს სამართლიანი. თუ, რა თქმა უნდა, არ დატოვებს ამერიკულ იურისდიქციას“ _ დაწერა მედვედევმა და ტექსტს თან ახლდა სიცილი.

Tesla-ს აღმასრულებელმა დირექტორმა ილონ მასკმა Twitter-ის აქციონერებს 100%-იან წილში 41 მილიარდი დოლარი შესთავაზა. შედეგად, გუშინ, 25 აპრილს Twitter-ის მენეჯმენტმა გამოაცხადა, რომ მასკი კომპანიას 44 მილიარდ დოლარად შეიძენს.