უკრაინამ თქვენ მოგმართათ თვითმფრინავებისთვის, რათა არ დაგვეკარგა ამდენი ადამიანი. თქვენ გაქვთ ათასობით სამხედრო თვითმფრინავი და 20 ათასი ტანკი, უკრაინამ ერთი პროცენტი ითხოვა, თქვენი ტანკების, მაგრამ არ მოგვეცით არცერთი. ამ სიტყვებით მიმართა უკრაინის პრეზიდენტმა ვოლოდიმირ ზელენსკიმ ნატო-ს სამიტს.
,,ათწლეულების განმავლობაში რუსეთმა დიდი სამხედრო რესურსი დააგროვა. მათ შორის ბომბები და რაკეტები. სანამ მსოფლიო სიცოცხლეს აფინანსებდა, რუსეთი ინვესტიციებს სიკვდილში დებდა“ _ განაცხადა ზელენსკიმ.
უკრაინის პრეზიდენტი ჩრდილოატლანტიკური ალიანსის სამიტს ონლაინ ფორმატში ჩაერთო. გამოსვლაში ზელენსკიმ საერთაშორისო პარტნიორებს კიდევ ერთხელ შეახსენა, თუ რამდენად მნიშვნელოვანია უკრაინისთვის იარაღი და სამხედრო თვითმფრინავები.
