რუსეთმა უკრაინა და ევროპა რადიაციულ კატასტროფასთან მიახლოებულ მდგომარეობაში ჩააყენა. ამის შესახებ უკრაინის პრეზიდენტმა ვოლოდიმირ ზელენსკიმ განაცხადა. მისი თქმით, დიზელის გენერატორები რომ არ ჩართულიყო და ქარხნის თანამშრომლებს დროული რეაგირება რომ არ მოეხდინათ, ახლა უკვე რადიაციული ავარიის შედეგები სახეზე იქნებოდა.
ვოლოდიმირ ზელენსკის განცხადებით, გუშინ, 25 აგვისტოს ევროპას რადიაციული კატასტროფის საფრთხე შეექმნა, როდესაც რუსეთის მიერ ოკუპირებული ატომური სადგური გათიშული იქნა უკრაინის ელექტრო ქსელიდან. მისივე თქმით, ქარხანა სარეზერვო ელექტროენერგიის გაშვებამ გადაარჩინა.
ხანძარმა ადრე დააზიანა ელექტროგადამცემი ხაზები, რის გამოც ქარხანა გაითიშა.
კომპლექსის მახლობლად, რომელიც ევროპაში ყველაზე დიდი ატომური სადგურია, შეშფოთება იზრდება.
,,დიზელის გენერატორები რომ არ ჩართულიყო, ავტომატიზაცია და ქარხნის პერსონალს რომ არ მოეხდინა რეაგირება, ახლა უკვე რადიაციული ავარიის შედეგები სახეზე გვექნებოდა" _ განაცხადა ზელენსკიმ ხუთშაბათს.
პრეზიდენტმა ზელენსკიმ პასუხისმგებლობა რუსეთი მხარეს დააკისრა და განაცხადა, რომ ელექტროსადგურს საფრთხე რუსების მიერ განხორციელებული დაბომბვის გამო შეექმნა. მან რუსეთი უკრაინასა და ევროპას კატასტროფამდე „ერთი ნაბიჯის დაშორებაში“ დაადანაშაულა.
საპირისპიროდ, რუსეთი ხანძრის გაჩენას უკრაინის შეიარაღებული ძალების იერიშებს აბრალებს.
