ვოლოდიმირ ზელენსკი: 

,,ჩვენი ქვეყნის შეიარაღებული ძალები, ჩვენი სპეცსამსახურები, ჩვენი დაზვერვა ყველაფერს აკეთებენ იმისთვის, რომ ყველა რუსი სამხედრო აუცილებლად გრძნობდეს უკრაინულ პასუხს ამ საშინელ ტერორზე, რომელიც რუსეთმა შემოიტანა ჩვენს მიწაზე.

უკრაინის დროებით ოკუპირებულ ტერიტორიაზე, ყირიმიდან ხარკოვის ოლქამდე, რუსეთის არმიას არ აქვს და არ ექნება არც ერთი უსაფრთხო ბაზა, არც ერთი წყნარი ადგილი.

ჩვენი დამცველები გაანადგურებენ ყველა საწყობს, ოკუპანტების შტაბს, მათ აღჭურვილობას, სადაც არ უნდა იყოს ისინი განთავსებული. სევასტოპოლის მახლობლად - შემდეგ სევასტოპოლის მახლობლად. ლუგანსკთან - შემდეგ ლუგანსკთან ახლოს. ეს არის უკრაინული მიწა და ოკუპანტებს მხოლოდ ორი რამ შეუძლიათ - გაქცევა ან დანებება. ჩვენ მათ სხვა ვარიანტს არ ვუტოვებთ.

ასევე, დღეს მსურს კიდევ ერთხელ მივაპყრო ყირიმში მყოფი ჩვენი ხალხის ყურადღება - გთხოვთ, მოერიდეთ რუსეთის სამხედრო ობიექტებს, არ დარჩეთ რუსეთის ბაზებთან და სამხედრო აეროდრომებთან ახლოს, აცნობეთ უკრაინის სპეცსამსახურებს ყველა ის ინფორმაცია, რაც იცით ოკუპანტებს, რათა ყირიმის განთავისუფლება უფრო სწრაფად მოხდეს“.