უკრაინის პრეზიდენტის, ვოლოდიმირ ზელენსკის განცხადებით, უკრაინისთვის კანდიდატის სტატუსის მიღებას 115 დღე დასჭირდა და ევროკავშირში გაწევრიანებას წლები და ათწლეულები არ უნდა დასჭირდეს.
,,დღეს უკრაინის უმაღლესი რადას თავმჯდომარესთან და პრემიერ-მინისტრთან ერთად ვაწერთ ხელს ერთობლივ განცხადებას, რომელიც არის სიგნალი ხელისუფლების ყველა შტოს ერთიანობისა და ნიშანი, რომ ჩვენ გადაწყვეტილი გვაქვს მივაღწიოტ უკრაინის სტრატეგიულ მიზანს, კერძოდ, სრულუფლებიან წევრობას ევროკავშირში. და ამ განცხადების ხელმოწერა იგივეს უნდა ნიშნავდეს, რასაც ომის მეხუთე დღეს შესვლის განცხადებაზე ხელმოწერა ნიშნავდა.
სტატუსის მიღებას 115 დღე დასჭირდა და ჩვენი წევრობის გზას წლები ან ათწლეულები არ უნდა დასჭირდეს, ეს გზა სწრაფად უნდა გადავლახოთ. სრულყოფილად შევასრულეთ სამუშაოს ჩვენი ნაწილი, რათა მივცეთ საშუალება ჩვენს მეგობრებს ევროკავშირში მიიღონ კიდევ ერთი ისტორიული გადაწყვეტილება ჩვენთვის ისევე სწრაფად და კონსოლიდირებულად“ _ განაცხადა ვოლოდიმირ ზელენსკიმ.
