უკრაინის ომი ყირიმით დაიწყო და მისი განთავისუფლებით უნდა დასრულდეს, - განაცხადა პრეზიდენტმა ვლადიმირ ზელენსკიმ.
უკრაინის პრეზიდენტმა ეს განცხადება მას შემდეგ გააკეთა, რაც რუსეთის ავიაბაზაზე აფეთქებების სერია მოხდა, რის შედეგადაც ერთი ადამიანი დაიღუპა, ხოლო 8 დაშავდა.
ზელენსკის თქმით, ყირიმი უკრაინაა და მას არასოდეს დათმობენ.
„ჩვენ არ დავივიწყებთ, რომ რუსეთის ომი უკრაინის წინააღმდეგ ყირიმის ოკუპაციასთან ერთად დაიწყო. რუსეთის ეს ომი დაიწყო ყირიმით და უნდა დასრულდეს ყირიმით - მისი განთავისუფლებით" _ თქვა ზელენსკიმ.
