ლიეტუვის პრეზიდენტმა გიტანას ნაუსედამ ხელი მოაწერა განკარგულებას, რომლის თანახმადაც ქვეყანაში საგანგებო მდგომარეობა გამოცხადდა. განკარგულებას პარლამენტი რიგგარეშე სხდომაზე მიიღებს. ქვეყანაში საგანგებო მდგომარეობა უკრაინაში რუსეთის შეჭრის გამო გამოცხადდა.
რუსეთმა უკრაინის წინააღმდეგ ომი დღეს დაიწყო. დილიდან უკრაინის ქალაქებში აფეთქებების ხმა ისმის. ოფიციალური მონაცემებით, სროლის შედეგად გარდაცვლილია უკრაინის 7 მოქალაქე, არიან ასევე დაჭრილები და დაკარგულები.
უკრაინის პრეზიდენტმა ვოლოდიმირ ზელენსკიმ ქვეყანაში საგანგებო მდგომარეობა გამოაცხადა.
