ლიეტუველი ევროპარლამენტარი, რასა იუკნევიჩენე, სოციალურ ქსელ „ტვიტერში“ საქართველოში მმართველ გუნდსა და ოპოზიციას შორის მიღწეულ შეთანხმებას გამოეხმაურა. მისი თქმით, ეს ახალი დასაწყისია და უფრო მეტ ანგარიშვალდებულებას ნიშნავს, განსაკუთრებით კი მმართველი პარტიისთვის.
„ეს ასევე ნიშნავს ნაკლებ სიძულვილს პოლიტიკაში, გამჭვირვალე არჩევნებს, მედიის თავისუფლებასა და პოლიტიკურ ოპოზიციას, რომელიც არის არა მტერი, არამედ დემოკრატიისთვის მნიშვნელოვანი ელემენტი“ – წერს ევროპარლამენტარი.
მთავარი ფოტო: Twitter
