ახალი სასწავლო წლიდან, პედაგოგები და მოსწავლეები სწავლის ფორმატს ვეღარ აირჩევენ. როგორც წესი, ონლაინ სწავლებასთან დაკავშირებით რეკომენდაციას ჯანდაცვის სამინისტრო გასცემს, თუმცა, სამინისტროს განმარტებით, წელს პანდემიასთან დაკავშირებული რეგულაციები აღარ არსებობს, შესაბამისად, შესაბამისად, ონლაინ-სწავლების საჭიროებაც აღარ არის.
ასევე უნდა აღინიშნოს, რომ გამონაკლისი იქნება ის სკოლები, რომლებშიც სარეაბილიტაციო/სარემონტო სამუშაოები მიმდინარეობს. როგორც განათლების სამინისტროს მიერ დღეს გავრცელებულ განცხადებაშია ნათქვამი, 60-მდე საჯარო სკოლაში სარეაბილიტაციო/სარემონტო სამუშაოების მიმდინარეობის გამო, სასწავლო წელი განსხვავებული თარიღით, ან ფორმატით – ჰიბრიდულ, ან დისტანციურ რეჟიმში, ან ალტერნატიულ ფართში/ახლომდებარე სკოლებში დაიწყება. აღნიშნულ საკითხთან დაკავშირებით სკოლების ადმინისტრაცია დროულად უზრუნველყოფს თითოეული მოსწავლის მშობლის ინფორმირებას.
