კულტურის მინისტრი, თეა წულუკიანის განცხადებით, სამართალდამცველის მიერ შეზღუდული შესაძლებლობის მქონე პირზე ფიზიკურ ძალადობას არავის სიკვდილი არ მოჰყოლია, ამიტომ ამ ინციდენტის გამო მთავრობის შეცვლის მოთხოვნა არასწორია.
"ეს ადამიანები დღეს ხელისუფლების ცვლილებას ითხოვენ იმ ინციდენტის გამო, რომელიც არის დაუშვებელი, ტრაგიკული, მაგრამ ამ ინციდენტს არ მოჰყოლია არავის, საბედნიეროდ, სიკვდილი. ორივე პოლიციელი არის დაკავებული და არც ადეკვატური სასჯელი დააყოვნებს", - ამბობს წულუკიანი.
24 იანვარს მედიასაშუალებებში გავრცელდა ვიდეო, რომელშიც ასახულია, თუ როგორ სცემს ერთ–ერთი პოლიციელი არასრულწოვან სმენადაქვეითებულ ადამიანს. ვიდეო ერთ–ერთ მეტროსადგურშია გადაღებული. მომხდარზე ორი პოლიციელი დააკავეს. ისინი ბრალს ამ დრომდე არ აღიარებენ და დუმილის უფლებას იყენებ.
