თქვენ ხართ სამარცხვინო, თქვენ ხართ ივანიშვილის მონა, ,,მონა ქალი იზაურა" ხართ თქვენ, ყველაზე ოდიოზური ქალი ოპოზიციონერი ხართ. ამ სიტყვებით მიმართა კულტურის, სპორტისა და ახალგაზრდობის მინისტრმა თეა წულუკიანმა ოპოზიციონერ დეპუტატ, თაკო ჩარკვიანს ,,მინისტრის საათის“ კითხვა-პასუხის დროს.
,,ქალბატონი თამარი ამბობს, პარლამენტში იმიტომ შემოვედი, რომ იქედან ჩამოგათრიოთ, სადაც ხართო. ეს სიძულვილის ენა არ არის?!.. თქვენ, რაკი პარლამენტში შემოხვედით, ხართ სამარცხვინო, ეს თქვენი სიტყვებია. თქვენ ხართ ივანიშვილის მონა, რადგან ამბობდით, ვინც შევა, ივანიშვილის მონა იქნებაო. ,,მონა ქალი იზაურა" ნანახი გაქვთ ალბათ, ეს მონა ხართ. თქვენ ხართ ყველაზე ოდიოზური ქალი ოპოზიციონერი“ _ მიმართა წულუკიანმა ჩარკვიანს.
ხოლო ჩარკვიანის მიმართვაზე, რომ იგი ასეთი ქმედებით შოუს დგამდა, წულუკიანმა უპასუხა:
,,შოუ კულტურის ნაწილია, მე შოუს მინისტრიც ვარ“.
