ნორვეგიის სამეფოს ჯანდაცვის სამინისტროს უფროსი მრჩეველი, ზაზა წერეთელი, ამბობს, რომ საქართველო სავალდებულო ვაქცინაციის აღსრულებას ვერ შეძლებს. თუმცა, მისი აზრით, სავალდებულო ვაქცინაციის შემოღება კარგი იქნებოდა.
„საქართველომ ვაქცინაციის კუთხით თავიდანვე ძალიან სუსტი კამპანია აწარმოვა, ვერ დაუპირისპირდა ანტივაქსერულ გამოსვლებს. ამასთან, პირველადი ჯანდაცვის რგოლი არის ძალიან სუსტი და მან ვერ შეძლო იმის გაკეთება, რაც უნდა გაეკეთებინა - ჩაეტარებინა საინფორმაციო კამპანია და მოსახლეობა აცრისთვის მოეზიდა. ჩემი ნება რომ იყოს, ვაქცინების სავალდებულოობას შემოვიღებდიო, მაგრამ ერთი პრობლემაა: რამდენად შეძლებს სახელმწიფო ამ სავალდებულოობის განხორციელებას?! თავის დროზე მთავრობას დაწესებული შეზღუდვების კონტროლიც კი გაუჭირდა და ხშირად ირღვეოდა წესები, ქვეყანა კი ვერ რეაგირებდა. ვთქვათ, შემოვიდა სავალდებულო აცრები, მაგრამ არ აიცრნენ ექიმები, მასწავლებლები. რას აპირებს ქვეყანა?! შეძლებს, რომ აუცრელ ექიმებს მუშაობის საშუალება არ მისცეს?! - ძალიან მეეჭვება“ - ამბობს ზაზა წერეთელი.
მთავარი ფოტო: forbes.ge
