ჯანდაცვის მსოფლიო ორგანიზაციის კომისიის წევრი, ზაზა წერეთელი  მოსახლეობას ვაქცინაციისკენ მოუწოდებს და ისრაელის მაგალითი მოჰყავს, სადაც ვაქცინაციის დაწყების შემდეგ COVID-19-ის შემთხვევები თითქმის სამჯერ შემცირდა. მისივე თქმით ვაქცინა ერთ წელიწადში არ შექმნილა, არამედ მასზე მუშაობა გაცილებით ადრე დაიწყო.

,,COVID-ვაქცინებზე დაახლოებით 17-18 წლის განმავლობაში მუშაობდნენ. ეს არ არის ერთ წელიწადში შექმნილი ვაქცინა, უბრალოდ, ბოლო წელიწადში დაჩქარდა მასზე მუშაობა იმის გამო, რომ ვაქცინის შექმნის აუცილებლობა დადგა და უფრო მეტი თანხა ჩაიდო ამაში. ვაქცინაციას დიდი მნიშვნელობა აქვს. ჩვენ ვხედავთ ისრაელის მაგალითზე, რომ მცირდება ინფიცირების შემთხვევები, მძიმე შემთხვევების რაოდენობა და გარდაცვალების ფაქტები. სწორედ ვაქცინა გვჭირდება ახლა ჩვენ, რომ ამოვისუნთქოთ და გავაგრძელოთ ცხოვრება" _ განაცხადა წერეთელმა.

შეგახსენებთ, რომ 25 მარტს ღამით საქართველოში Pfizer-ის ვაქცინის 29 250 დოზა შემოვიდა, ხოლო AstraZenekas-ს ვაქცინით აცრა 15 მარტიდან დაიწყო.

ფოტო: youtube.com