ისინი ავღანეთში ქალთა უფლებებს იცავდნენ, ისინი კანონის ერთგული დამცველები იყვნენ და ქვეყანაში ყველაზე დაუცველებს _ ქალებს იცავდნენ. ამჟამად 220-ზე მეტი მოსამართლე ქალი თალიბანის მმართველობის პირობებში მკაცრი სასჯელის შიშით იმალება. 6 მათგანმა BBC-სთან ავღანეთის საიდუმლო ლოკაციებიდან ისაუბრა. მათ სახელებს BBC მათი უსაფრთხოების მიზნით მალავს.

როგორც ერთი მათგანი ყვება, მას ასობით მამაკაცი ჰყავს გასამართლებული ქალთა მიმართ ძალადობის ბრალდებით, მათ შორის მკვლელობის, გაუპატიურებისა და წამების ბრალდებებით.

როგორც ყოფილი მოსამართლე ყვება, იმ დღიდან რაც თალიბანმა მმართველობა ხელში ჩაიგდო და ათასობით ასეთი დამნაშავე საპატიმროებიდან გამოუშვეს, მის მიმართ სიკვდილის მუქარები დაიწყო. მოსამართლის ტელეფონზე შედის ტექსტური შეტყობინებები, ხმოვანი შეტყობინებები, გამუდმებით ირეკება უცნობი ნომრებიდან და მას მოკვლით ემუქრებიან. როგორც იგი ამბობს, შუაღამე იყო, როდესაც მათ გაიგეს როგორ გამოუშვა თალიბანმა ათასობით ძალადობაში ბრალდებული მამაკაცი ციხეებიდან, ,,ყველამ სახლები დავტოვეთ და გავიქეცით, თავს ვუშველეთ“ _ ამბობს იგი. ხოლო სახლის დატოვებიდან ცოტა ხანში მეზობელმა  დაურეკა და შეატყობინა, რომ მის სახლში თალიბანის რამდენიმე წარმომადგენელი მივიდა, აღწერილობით მოსამართლემ ამოიცნო მის მიერ გასამართლებული ერთი ბრალდებული, რომელმაც საკუთარი ცოლი მხეცური სისასტიკით მოკლა და რომელსაც 20 წელი ჰქონდა მისჯილი.

ბოლო 20 წლის განმავლობაში ავღანეთში 270 ქალი გახდა მოსამართლე, ყველა მათგანი საზოგადოებრივი ფიგურა იყო და გარკვეულ ძალაუფლებას ფლობდა. ამჟამად 220-ზე მეტი მოსამართლე ქალი ავღანეთის ტერიტორიაზე იმალება. BBC ექვს მათგანს ესაუბრა და ექვსიმემ დაადასტურა, რომ მათ სასიკვდილო მუქარები უკვე მიიღეს იმ მამაკაცებისგან, რომლებიც მათ მიერ იყვნენ გასამართლებულები. აღსანიშნავია, რომ ამ ექვსიდან ოთხი საკუთარი ცოლის მკვლელობისთვის იხდიდა სასჯელს.

 წყარო: www.bbc.com