მიხეილ სარჯველაძე სავარაუდო უკანონო ფარულ მოსმენებთან დაკავშირებით რიგგარეშე სხდომის მოწვევაზე "ლელოს" ინიციატივას გამოეხმაურა.

საპარლამენტო უმრავლესობის წევრის თქმით, მცდარია მოსაზრება, რომ პარლამენტის სხდომა საპარლამენტო ზედამხედველობის განხორციელების საშუალებაა.

„ძალიან მეეჭვება, გახარიას რაიმე კომპრომატი გააჩნდეს, ერთი უბრალო მიზეზის გამო - არ მგონია, რომ საკომპრომეტაციოდ მიზეზი შეიძლება მიეცა ხელისუფალს, ვინც შეიძლება მისი სამიზნე და ობიექტი იყოს. თუ თქვენ პარლამენტის სხდომას მიიჩნევთ პარლამენტის ზედამხედველობის განხორციელების შესაძლებლობად, ეს მგონი მცდარი მოსაზრებაა. სხდომის ჩატარება საამისოდ სინამდვილეში არავითარი ფუნქციის მატარებელი არაა, უბრალოდ, საკითხის შინაარსს თუ ოდნავ დავაკვირდებით, მიხვდებით, რომ არავითარი საჭიროება არ არსებობს საგანგებო სხდომის მოწვევისა, ამის მიზეზი არის მარტივი - უპირველესად, გამოძიებამ უნდა დაადგინოს ფაქტები ამ საკითხის გარეშემო და რა თქმა უნდა, ყველანი უნდა ვიყოთ ინფორმირებული ამ საკითხების ირგვლივ. პირველი ვისი ინტერესიც არსებობს რომ ჭეშმარიტება დადგინდეს გახლავთ ხელისუფლება, უბრალოდ პოლიტიკური შოუების მოსაწყობად და პოპულიზმისთვის ნიადაგის შესაქმნელად ნამდვილად არ არის განსაზღვრული საპარლამენტო სხდომები თუ ნებისმიერი სხვა ფორმატი საპარლამენტო ზედამხედველობისა“ - განაცხადა სარჯველაძემ.

მთავარი ფოტო: resonancedaily.com