ეს არის დასასრულის დასაწყისი, მე ვიტყოდი, რომ ეს უკვე დასასრულის საკმაოდ წინ წასული ფაზაა. ასე შეაფასა ,,ქართული ოცნების“ დეპუტატმა, მიხეილ სარჯველაძემ ენმ-ის თავმჯდომარის არჩევნებში ლევან ხაბეიშვილის გამარჯვება. მისივე სიტყვებით, ხაბეიშვილის გამარჯვება პარტიას მეტ შეცდომას და მეტ დესტრუქციას მოუტანს.
,,რას შეცვლის ბატონი ხაბეიშვილის გამარჯვება ამ პარტიისთვის და რა სიახლეებს მოუტანს, ალბათ ის, როთაც იყო წარდგენილი წინასაარჩევნო მიმართულებით, ასე ვიტყოდი, მეტ დესტრუქციას, მეტ შეცდომას. რაც შეეხება წარმატებებს, არ მგონია, რომ რაიმე წარმატების მომტანი იყოს ეს პარტიისთვის, ყველაფრის მხედველობაში მიღებით. ეს არის დასასრულის დასაწყისი, მე ვიტყოდი, რომ ეს უკვე დასასრულის საკმაოდ წინ წასული ფაზაა ამ პოლიტიკური პარტიისა“ _ განაცხადა მიხიელ სარჯველაძემ.
