საპარლამენტო უმრავლესობის წევრის, მიხიელ სარჯველაძის განცხადებით, ის ფაქტი, რომ ბიძინა ივანიშვილს დიდი ფინანსური შესაძლებლობები აქვს, ავტომატურად ოლიგარიას არ ნიშნავს.
,,ოლიგარქიას აქვს თავისი განმარტება, ოლიგარქი ეს არის არა უბრალოდ შეძლებული ადამიანების არსებობა, რომლებიც პარტიულ მოღვაწეობას ეწევიან, არამედ სახელმწიფოსა და ხელისუფლების ძალაუფლების გამოყენება საკუთარი მერკანტილური ინტერესებისთვის. არანაირი საფუძველი საუბრის, რომ შეიძლება ბიძინა ივანიშვილი რამენაირად იყენებდეს ძალაუფლებას საკუთარი ინტერესებისთვის, მოცემულ შემთხვევაში უბრალოდ არ არსებობს. პრიმიტიულად ნურავინ ნუ მიუდგება ამ საკითხს და ნურავინ ნუ იტყვის, რომ რახან ივანიშვილს აქვს დიდი ფინანსური შესაძლებლობები, ეს ავტომატურად ოლიგარქიას ნიშნავს. რასაკვირველია, ეს არის აბსოლუტურად მცდარი“ _ განაცხადა მიხიელ სარჯველაძემ.
მისივე თქმით, გარკვეული ვალდებულებები შესასრულებლად პოლარიზაციის დაძლევს გახდება საჭირო, რისთვისაც მხოლოდ ერთი მხარის ნება საკმარისი არ იქნება.
„არ შეიძლება მუდმივად ერთ მხარეს ვიმოძრაოთ და ერთ მხარეს ვისაუბროთ ვალდებულებებზე და მეორე მხარეს არ ვისაუბროთ. ამიტომ პოლარიზაციის განმუხტვაც ერთ-ერთი იმ საკითხთაგანია, რომელზეც შეგვიძლია ვთქვათ, რომ მარტო ერთი მხარე ამას ვერ მიაღწევს. ერთი პოლუსით ამის განხორციელება შეუძლებელი იქნება. არ მგონია, რომ გაუჭირდეთ გულწრფელად ამ ქვეყნის პატრიოტ პოლიტიკურ ძალებს პოლარიზების მაღალ ხარისხის შენარჩუნებაზე ხელის აღება და კონსტრუქციული გზით სვლა ევროპისკენ“ _ აღნიშნა სარჯველაძემ.
