23 ივლისიდან საქართველო წითელი ქვეყნების სიაში იქნება. ისრაელში ჩასულ ყველა მგზავრს, ვინც აცრილია ან ვირუსი უკვე გადაიტანა, 24 საათით თვითიზოლაციაში ყოფნა მოუწევთ, ხოლო თუკი ისინი კორონავირუსზე ტესტის უარყოფით პასუხს ადრე გადაუგზავნიან, მაშინ ეს დრო შემცირდება.
ისრაელი იმ 15 ქვეყნიდან ჩასულ პირებს, რომლებსაც ვირუსის მაღალი გავრცელების ადგილებად მიიჩნევს, 7 დღიან კარანტინს უწესებს, გარდა ამისა სავალდებულოა ტესტის პასუხის წარდგენა. ამჟამად ისრაელის მიერ ,,წითელ სიაში“ შეყვანილი ქვეყნები არიან: არაბთა გაერთიანებული საამიროები, სეიშელი, ეკვადორი, ეთიოპია, ბოლივია, გვატემალა, ჰონდურასი, ზიმბაბვე, ზამბია, ნამიბია, პარაგვაი, ჩილე, კოლუმბია, კოსტა რიკა და ტუნისი. 23 ივლისიდან კი მათ რიცხვს საქართველოც დაემატება.
