ისრაელმა ღაზას სექტორი ისევ დაბომბა - საჰაერო დარტყმები დღეს დილით განხორციელდა. მედიის ინფორმაციით, ისრაელის ხელისუფლებამ ეს გადაწყვეტილება მას შემდეგ მიიღო, რაც პალესტინის ტერიტორიიდან ხანძრის გამომწვევი სპეციალური საჰაერო ბურთები გაუშვეს, რომელმაც საზღვართან, გაშლილ ტერიტორიაზე 20-მდე ხანძარი გამოიწვია.
ისრაელის თავდაცვის უწყებაში აცხადებენ, რომ მათმა საფრენმა აპარატებმა ღაზაში დაჯგუფება „ჰამასის“ სამხედრო ობიექტები გაანადგურეს.
„ჩვენ ვართ მზად ყველა სცენარისთვის, მათ შორის, სამხედრო კონფლიქტის განახლებისთვის ღაზის სექტორიდან განხორციელებული ტერორისტული აქტების საპასუხოდ“ - აცხადებენ ისრაელის თავდაცვის ძალებში.
მთავარი ფოტო: insider.com
