„ევრო 2020“-ს მორიგ მეოთხედფინალურ მატჩში, დანიის და ჩეხეთის ნაკრებების დაპირისპირება შედგა, სადაც დანიამ თანაბარ შეხვედრაში შესძლო და მეტოქე მინიმალური სხვაობით დაამარცხა.

შეხვედრაში გადამწყვეტი პირველი ტაიმი გამოდგა, რომელიც დანიელებმა 2-0 მოიგეს. უკვე მე-5 წუთზე, დელეინმა კუთხურიდან ჩამოწოდებული, თავით გაიტანა და საკუთარი გუნდი დააწინაურა. პირველი ტაიმის მიწურულს კი, მაელეს გამჭოლი გადაცემა, კასპერ დოლბერგმა აქცია გოლად. ეს დანიელი თავდამსხმელის მესამე გოლია მიმდინარე ევროპის ჩემპიონატზე. მეორე ტაიმის სტარტზევე, ჩეხეთის ნაკრების საუკეთეს ბომბარდირმა, პატრიკ შიკმა შესძლო გოლის გატანა და მინიმუმამდე შეამცირა სხვაობა, შიკისთვის ეს მე-5 გოლი იყო „ევრო 2020“-ზე, რითაც კრიშტიანო რონალდოს დაეწია. დარჩენილი შეხვედრა, ისევე როგორც მთლიანი მატჩი, თანაბარი გამოდგა, თუმცა ჩეხებმა გოლის გატანა ვეღარ შესძლეს და დანიელებმა, რომლებმაც ევროპის ჩემპიონატის პირველივე შეხვედრა, ფინეთთან წააგეს და თან გუნდის ლიდერი, კრისტიან ერიქსენი გულის შეტევის გამო დაკარგეს, მოახერხეს, ეს ყველაფერი მოტივაციად აქციეს და ნახევარფინალში გავიდნენ.

დანიის მეტოქე 1/2 ფინალში, დღეს გაირკვევა, უკრაინა-ინგლისის დაპირისპირებაში, რომელიც, რომის ულიმპიურ სტადიონზე წუთი-წუთზე, 23:00 საათზე დაიწყება.