პოლიციის დღეს, ღონისძიების შემდეგ ჟურნალისტებთან კომენტარი გააკეთა შინაგან საქმეთა მინისტრმა, ვახტანგ გომელაურმა. გომელაურს ჟურნალისტებმა"საქართველოს ბანკზე" თავდამსხმელის, ბადრი ესებუას შესახებ ჰკითხეს.
გომელაურმა თქვა, რომ მან იცის სად არის ბადრი ესებუა, ის ისვენებს.
"ბადრი ესებუა სადაც არის ვიცით. ისვენებს" - აცხადებს გომელაური.
ცნობისთვის, ბადრი ესებუა საქართველოს ბანკის ერთ-ერთ ფილიალში 21 ოქტომბერს შეიჭრა და მძევლად 43 პირი აიყვანა. მან გამოსასყიდის სახით 500 000 დოლარი მოითხოვა, მძევლები გაათავისუფლა და მიიმალა. შსს მას ამ დრომდე ეძებს. ესებუაზე საქმე "ტერორიზმის" მუხლითაა აღძრული.
ფოტო: facebook
