შინაგან საქმეთა მინისტრმა, ვახტანგ გომელაურმა ყვარელში, "საქართველოს ბანკზე" მომხდარ თავდასხმასთან დაკავშირებით პირველი განცხადება გააკეთა. 
მინისტმა მძარცველის ვინაობა არ დაასახელა და აღნიშნა, რომ არცერთი მოთხოვნა, რომელიც თავდამსხმელმა წამოაყენა, არ შესრულებულა.
"როგორც ჩემთვის ცნობილია, კახეთიდან არის. მადლობა მინდა ვუთხრა ჩვენ თანამშრომლებს, ასევე, ბანკის თანამშრომლებს, მოქალაქეებს, რომლებიც იყვნენ შენობაში. მაქსიმალურად მაღალ დონეზე ჩაატარეს ყველაფერი და უსისხლოდ დამთავრდა. ყველაფერი გავაკეთეთ, ვეცადეთ, რომ ეს ადამიანი უვნებლად დაგვეკავებინა.  სხვადასხვა თანხას ითხოვდა, ხან ნახევარ მილიონს, ხან ერთ მილიონს. არანაირი მოთხოვნა არ შეგვისრულებია ამჯერად, ისე მოვახერხეთ აყვანა. ყველა მძევლის მდგომარეობა არის სტაბილური, არავინ დაშავებულა", - განაცხადა ვახტანგ გომელაურმა.
ყვარელში, "საქართველოს ბანკის" ფილიალში მძარცველი დაახლოებით 16:00 საათზე შეიჭრა.

ფოტო: bpn.ge