შინაგან საქმეთა მინისტრი ვახტანგ გომელაური გუდაურში მომხდარი ტრაგედიის შემდეგ პირველ კომენტარს აკეთებს. მისი განცხადებით, ბორტზე მყოფი 8 ადამიანი გარდაიცვალა. გარდაცვლილია უცხოელი ტურისტიც, რომლის საშველადაც სამაშველო ოპერაცია ტარდებოდა.
ვახტანგ გომელაურმა გარდაცვლილების ოჯახებს მიუსამძიმრა.
,,სამწუხაროდ, რვა ადამიანია გარდაცვლილი. ერთი ადამიანია დაშავებული, რომელიც პარაპლანით ფრინავდა და მასთან ერთად მყოფი უცხოელი ტურისტი გარდაცვლილია, რომელიც ჩამოვარდა, ვის საშველადაც ტარდებოდა სამაშველო ოპერაცია. ამოიყვანეს დაშავებული ქართველი ვინც იყო, ცოცხალია, ის გადაჰყავთ სასწრაფო სამედიცინო სამსახურის თანამშრომლებს“ – განაცხადა გომელაურმა.
